有次見到茶樓有冰凍煮好的牛孖筋賣，第一時間買盒試試，解凍加熱後發覺入面薯仔好多，內裡的牛孖筋碎濕濕，有點失望。想食有點份量的牛孖筋，都係自己整好，不過如果想食夠焾夠滑的牛孖筋，非常嘥柴火。

有很多華人超市賣嘅牛孖筋都幾靚，一條條白雪雪，放入滾水滾一滾，撈起，爆薑蔥蒜，再放入牛孖筋加水加醬油老抽蠔油，慢火煮三到四個鐘頭。有些人建議煲兩個鐘就夠喇，老老實實兩個鐘可能唔夠，家中有老人家嘅話可能會咬唔郁，食咗可能會胃痛。

由於煮牛孖筋非常嘥柴火，提議一次過煲多幾條，煮多咗嘅放入冰櫃保存。如果你有這個打算，部份準備冰櫃保存嘅可能要提早撈起，下次要食嘅時候慢火加熱幾個字，時間啱啱好。

吃牛孖筋有什麼好處？有什麼營養價值呢？牛孖筋含有豐富的膠原蛋白質，含脂肪量低，並且不含膽固醇，但牛孖筋要經過長時間的烹煮才會軟化。每100克牛孖筋含有36.7克蛋白質，0.5克脂肪，0克碳水化合物。膠原蛋白有利於皮膚，頭髮，指甲和關節健康，能增強細胞新陳代謝，使皮膚更富有彈性和韌性，延緩皮膚的衰老，更有助於青少年生長發育和減緩中老年人骨質疏鬆的速度，有很好的食療作用。

牛孖筋配搭什麼好呢？一條牛孖筋加碗蝦子麵如何？